Kunwi d nekni (II)

Mi wwḍen ar din, ṭṭfen akal i yufan yeqqim d asuki, d lmecmel. Ufan kra n igebliwen d imeksawen d tqeḍɛiyin n wulli, kkaten tizemmarin, wiyaḍ lhan d leḥruz ak d tẓallit deg lejwamaɛ. S yedrimen i wwin yidsen, uɣen tiqwirin n igebliwen ifalisṭiniyen. Di tejamɛt n leǧnas yedduklen (U.N) twufeq-iten, tebuṭṭa asen-weqmen tamkant anida ara yidiren waygar-asen di dunnit. Qimen dinna, semman-as i tmurt nni Israël. Nutni, yuɣ lḥal ɛacrin n leqrun-yagi i d-ffɣen seg wakal n afalastini, dehmen-ten-id irumanen zik. Segimiren, i mmɣen hujren af temmura n dunnit meṛṛa, maca, anda i wḍen ad sbedden timezgida-nsen, tayeḍ ma reclen (zewjen) ttmeṭṭut ur nella ara ttudayt am nutni; am nettat d tarwa ara d-sɛu. Dayen i si ṭṭfen armi ur ngiren ara ɣas ayendin n leqrun i yezrin. Yal n tikelt ara ẓallen ad inin : "qqabel ma yebɣa Yillu ar Yarusalem"; armi d ass i d-yeḍra s tidett. Seg useggas n alef u tesaɛ meyya tmanya u ṛebɛin id yeḍra wayen akken i ssaramen ɛacrin n leqrun aya. Maɛna xas uɣalen ar wakal nni ssarmen, mazal-asen-d ad qqablen uguren imeqqranen iten-ittrajun. Asif n uḥeǧǧaǧu aten-yettraju at-sɛeddin. Γas akken seg zik, lbaṭṭel d tmuḥeqranit ur yekkis fell-asen, qqublen icenga di yal tama : i ccerq, i lɣerb, asamar, amalu, iγ cenga syaw-sya.

Nutni di tlata imelyan , ixṣimen-nsen d imeyyaten n imelyan yid-sen. Yefka-asen-d Yillu Marikan iḥumaten, ittɛawan-iten-id. Deg dunnit akken tella ṭṭfen-asen-id afus, acku ɣaḍen medden af ayen sɛeddan. Si miḥyaf d lbaṭṭel i yɛeddan, iten-yettrajun at-nnaɣen. Amek i ttufan? Tadukkli gar-asen, idrimen llan, ttceggiɛen ɣer tmurt n Iraël i watmaten-nsen. Ma d lefhama d tamusni tella si zik; dayen i si menɛen. Γelben acḥal d imelyan n waɛraben ɣas kesben lgaz d lpitrul, i d-issekcamen ayendin n imelyaren n ddulaṛ. Aɛraben-agi ṭṭfen-d ula s ddin n tneslemt-nsen, smalen-t-id ar tama-nsen. Ula d igduden ur nella-ara d aɛraben ɛawenen-ten. Timura tinselmin ddant yid-sen, maca llant snat ulac-itent ar gursen:
1) Tadukli tɣab, ttemceččawen gar-asen.
2) leqraya txuṣ aṭṭas, ur tuli ara.
3) Medden akken llan kerhen-ten, acku di lefɛayel-nsen diri-ten. Acuɣer ?
Acku win i idenben deg dunnit labud ad ixelles, ma mačči d netta d derga-s. Akk-a id-ttɛawaden imezwura nneɣ zik. D tagi i wumi qqaren : Daɛessu !